Migena Këllezi 30 vjeçe me origjinë shqiptare dhe me pasaportë italiane, u vra nga bashkëshorti i saj Dritan Sulollari në shtëpinë e tyre në Gradisca. Një komunë në skajin verilindor të Italisë në kufi me Slloveninë.
Në shtëpi në momentin e ngjarjes së rëndë ka qenë djali 8-vjeçar i çiftit. Autori i krimit i cili u arrestua menjëherë pas ngjarjes kishte punuar kamarier në një piceri ndërsa për momentin ishte i papunë.
Gruaja u godit me me thikë në fyt raportojnë mediat italiane, duke mbetur e vdekur në vend.
Pas krimit, bashkëshorti vrasës kishte telefonuar policinë duke marrë edhe përgjegjësinë për vrasjen. Sipas fqinjëve, ato ishin një familje e qetë. Askush nuk kishte dëgjuar asnjë fjalë për Dritanin dhe Migenën deri mëngjesin e sotëm kur ajo doli e pajetë nga pallati.
Po kështu edhe kolegët flasin fjalët më të mira për 30 vjeçaren.
“Migena ishte një person i mrekullueshëm dhe gjithmonë e buzëqeshur. Nuk mund të japim një shpjegim për këtë tragjedi”, thanë kolegët e saj në një dyqan të një kompanie celulare. “Kishte pak muaj që kishte filluar punë, por kishte një sjellje të mrekullueshme dhe e fliste italishten në atë mënyrë sa askush smund ta kuptonte se ishte e huaj”, thanë më tej koleget për mediat vendase.
Ndërsa të pyetura për raportet në familje, koleget e punës thanë nuk kishte folur kurrë për bashkëshortin por ama ishte një nënë e përkushtuar që donte pafund të birin.
Në shqip: Opinion.al
