Pas aktit makabër të vrasjes së një fëmije 12 vjecc në Palasë nga i afërmi i tij, një tjetër ngjarje e rëndë ka ndodhur në veri në Dukagjin. Sot në mesditë në fshatin Ndërlysë, lagjia “Mushaj” një burrë me probleme mendore ka qëlluar me armë drejt vëllait dhe kunatës, dhe të dy kanë mbetur të plagosur. Shkaku mësohet se ka qenë banal. Në banesën e ciftit të plagosur ka mbërritur vëllai i gruas. Por vëllai i burrit, që jeton në të njëjtën banesë me ciftin, duket qenë me probleme mendore, nuk i ka pëlqyer prania e vëllait të kunatës në banesë dhe ka nisur të konfliktohet me fjalë dhe më pas ka marrë armën dhe ka qëlluar vëllanë e tij dhe kunatën. Vëllai i kunatës së autorit mësohet se nuk ka pësuar asgjë.
Njoftimi i policisë për ngjarjen e Malësisë së Madhe
Informacion paraprak / Njoftohemi se sot më datë 17.08.2016 rreth orës 11:40 në fshatin Ndërlysë, lagjia “Mushaj” , Njësia Administrative Shalë, Shkodër ka ndodhur një plagosje me armë zjarri. Menjëherë për në vendngjarje janë nisur forcat policore dhe grupi hetimor të cilët kanë konstatuar se të plagosur kanë mbetur shtetasja D.B. 41 vjeçe dhe shtetasi K.B. 48 vjeç, të cilët po transportohen për në Spitalin Rajonal Shkodër për të marrë ndihmën e nevojshme mjekësore me helikopter për shkak të terrenit të thyer malor.
Dyshohet se autori i kësaj ngjarje është shtetasi Lekë Ballza 50 vjeç ( vëllai i D.B.) i cili sipas informacioneve nga banorë të fshatit të cilët e njohin, ky shtetas njihet si person me probleme mendore por të dhëna akoma të pa konfirmuara zyrtarisht. Nga të dhënat paraprake nga vendngjarja bëhet fjalë për një konflikt për motive të dobta brenda familjes. Po punohet për lokalizimin dhe kapjen e autorit. Vazhdojnë veprimet hetimore për zbardhjen e plotë të ngjarjes.
Ngjarja e rëndë në Palasë, Himarë
Jorgos Zani, 30 vjeç, banues në Palas, Himarë dyshohet se ka vrarë shtetasin e mitur me të dhënat: A.Z., rreth 12 vjeç, banues në Greqi. I mituri po qëndronte tek gjyshja e tij, A.Z., në Palasë, Himarë. Krimi ka qenë makabër, 30 vjeçari i ka prerë kokën fëmijës, të cilin e kishte djalin e vajzës së xhaxhait.
“Arrestimi i Jorgo Zanit u bë sot rreth orës 10:34, rreth 25 m larg banesës së tij, ku dyshohet se ka vrarë të miturin”, thotë policia e cila shton se ” Jorgos Zani dyshohet të jetë i sëmurë mendor, pasi nga verifikimet e kryera ka qenë një herë i shtruar në Spitalin Psikiatrik të Vlorës në datat: 27.10.2015 – 05.11.2015, me diagnozën “Çrregullime të theksuara të personalitetit” pasi ka qenë përdorues i lëndëve narkotike”.
Gjithashtu nga Spitali Psikiatrik Vlorë, rezulton se Jorgos Zani është kuruar edhe në shtetin grek për vite me radhë. Grupi hetimor ndodhet në vendngjarje dhe po punon për sqarimin rrethanave dhe dokumentimin e plotë të ngjarjes.
