Kreu i Partisë Demokratike ka kujtuar edhe një herë protestën që do të mbahet më datë 16 maj në orën 17:00, ku ka publikuar edhe posterin e kësaj protestës.
Përmes një postimi në rrjetin social “Facebook”, Berisha shkruan se kjo protestë do të mbahet në Bulevarin e Ri, me një qëllim të vetëm: “Mbrojmë votën e shqiptarëve.”
Ditën e djeshme në një konferencë për mediat Berisha deklaroi:
“Libri i zi i këtyre zgjedhjeve shkruhet më 16 Maj në orën 17:00 në Bulevardin Zogu i Parë për të sensibilizuar opinionin publik botëror mbi krimet monstruoz të përbindëshit elektoral Edi Rama që nuk respekton asnjë rregull, asnjë ligj kombëtar e ndërkombëtar. Protesta do të jetë paqësore, garantojnë se nuk do të ketë probleme që të cenojnë në shkallën më të vogël sigurinë e atyre që vijnë, por duam që të mësojnë se kanë qentë të ftuar nga një narkodiktator”,
Po në këtë ditë, Tirana do të presë Samitin e Komunitetit Politik Europian. Bazuar në këtë lajm, Berisha tha dje se miqtë që vijnë duhet të dëgjojnë zërin e një populli që kërkon të votojë i lirë.
