Teksa pritet që sot të nisë sesioni i ri parlamentar, Komisioneri i Zgjedhjeve Ilirjan Celibashi u ka dërguar një letër kryetarëve të partive parlamentare në vendin tonë si dhe Komisionit të Reformës Zgjedhore, ku evidenton disa çështje që duhet të shqyrtohen për zgjedhjet e ardhshme parlamentare dhe Kodin Zgjedhor.
Në letrën e Celibashit partive politike iu rikujtohet edhe vota e emigrantëve, e cila nuk do të realizohet nëse Kuvendi i Shqipërisë nuk do të plotësojë boshllëqet në Kodin Zgjedhor në lidhje me këtë votim të evidentuar nga Gjykata Kushtetuese.
Një tjetër çështje që ngre Celibashi është edhe ajo e votimit dhe numërimit elektronik në disa qarqe, që nëse realizohet KQZ pret të njoftohet deri në fund të muajit Shkurt 2024 për të nisur më pas përgatitje.
