Komisioni Qendror i Zgjedhjeve ka miratuar kërkesën e PS dhe Partisë së Lirisë për t’u regjistruar në zgjedhjet e 14 Majit.
Ndërkohë sa i takon PD, kryekomisioneri, Ilirjan Celibashi tha se janë paraqitur dy kërkesa për regjistrim në zgjedhje, njëra nga Sali Berisha dhe tjetra me autorizim nga Lulzim Basha, përmes përfaqësuesit ligjor, Indrit Sefa.
“Ka dy kërkesa, nje nga zoti Berisha, kemi dhe një kerkese tjeter nga zoti Basha, përmes jush që jeni perfaqësues ligjor”, theksoi Celibashi.
Më tej Celibashi gjatë fjalës së tij tha se KQZ është para shqyrtimit të të dyja kërkesave të dy grupeve të PD për regjistrim në zgjedhje.
“Ne jemi në proces shqyrtimi, ku do të vlerësojmë se kush e ka tagrin për ta paraqitur këtë kërkesë. Nuk është se jemi duke vendosur në këtë moment. Do të dëgjojmë këdo që bën kërkesën për regjistrim. Unë po ju jap fjalën juve. Në vlerësim të kësaj dëgjese do të vendoset se kush ka tagrin për të përfaqësuar këtë forcë politike. Nuk e ndajmë dot në mënyrë paraprake, se do konsiderohet sikur po e paragjykojmë”-tha Celibashi./Opinion.al
