Deri në orën 22:00 në të gjithë vendin duhet të ketë përfunduar proçesi i numërimit. Kështu deklaroi sot KQZ, duke apeluar se numëruesit dhe anëtarët e KZAZ-ve se do kenë sanksione.
Zëdhënësja e KQZ, Hoxhaj: Të shkojnë menjëherë në vendet e tyre dhe të fillojnë menjëherë procesin e numërimit. Të zbatojnë nenin 142 të kodit zgjedhor, i cili e përcakton që ata duhet të përfundojnë proçesin e numërimit dhe nxjerrjen e tabelës përmbledhëse të rezultateve brenda ditës së sotme në orën 22:00. Refuzimi për të vijuar procesin e numërimit përmbën shkak për shkarkimin e tyre. Menjëherë të marrin masat dhe të fillojnë proçesin e numërimit.
Deri tani (ora 14:20) janë numëruar 51.08 % e kutive të votimit.
Projeksionet parashikojnë një rezultat të thellë të PS-se duke numëruar deri tani 73 mandate, kundrejt PD me 43 mandate.
LSI deri tani numeron 19 mandate, PDIU 4 mandate dhe PSD 1 mandat.
