KPK ka shkarkuar sot nga detyra prokurorin e Dibrës Shkëlzen Cena, i cili dy ditë më parë deklaroi tërheqjen nga gara për SPAK.
Prokurori Shkëlzen Cena ishte kandidat për të qenë anëtar i Strukturës së Posaçme kundër korrupsionit dhe Krimit të Organizuar por ai paraqiti pranë KLP kërkesën për tërheqje nga gara.
Cena u gjet me probleme të pasurisë, kryesisht mbi një kredi të marrë për një shtëpi, një kontratë noteriale për të cilën kishte qëndrime kontradiktore, një makinë për të cilën ishin nënshkruar dy kontrata dhe mungesë burimesh financiare për disa vite.
Përsa i përket aspektit profesional Komisioni gjeti një problem sa i përket disa hetimeve që kishte ndjekur prokurori Dibrës, kryesisht me të akuzuar për kontrabandë.
Cena pati probleme dhe në kriterin e pastërtisë së figurës pasi sipas raportit të DSIK ai ishte përfshirë në korrupsion pasive dhe se kishte kontakte të papërshtatshme. /Opinion.al
