Një efektiv policie është vetëvrarë me armën e shërbimit, përpara stacionit të policisë në Kosovë. Ngjarja ka ndodhur në Ranillug, ndërsa lajmi është konfirmuar nga zëdhënësi i policisë për rajonin e Gjilanit.
“Ju njoftoj se me 31 janar 2021 rreth orës 18:56 se pjestari i policisë së Kosovës R.H. dyshohet se me armën zyrtare ka bërë vetëvrasje në oborrin e stacionit policor në Ranillug. Në vendin e ngjarjes mjeku kujdestar nga Kamenica e ka konstatu vdekjen e tij”, ka deklaruar Hashani duke bërë të ditur se trupi i pajetë është dërguar në mjekësinë ligjore.
Nuk dihen ende shkaqet që e çuan efektivin drejt këtij veprimi./Opinion.al
