Tashmë Koronavirusi që ka prekur mijëra vetë dhe ka marrë me qindra jetë ka një emër. Sipas OBSH-së Koronavirusi do të quhet COVID-19.
Gjithashtu OSHB ka bërë të ditur se pas 18 muajsh mund të jetë gati vaksina e parë.
Organizata Botërore e Shëndetësisë u kërkoi vendeve të marrin masa sa më të ashpra për luftimin e koronavirusit të ri.
“Bota duhet ta konsiderojë virusin si armikun publik numër një”, mësohet të ketë thënë shefi i OBSH-së, Tedros Adhanom Ghebreyesus.
Komisioni Kombëtar i Shëndetit në Kinë raportoi për 108 vdekje të reja nga koronavirusi më 11 shkurt, duke e çuar numrin e vdekjeve në 1.016.
Deri më tani raportohet për 42.638 raste të konfirmuara në Kinë, si dhe 319 raste në 24 vende të tjera të botës.
Bashkimi Evropian paralajmëroi një takim të jashtëzakonshëm të ministrave të Shëndetësisë që do të zhvillohet të enjten.
Koronavirusi, i cili është shfaqur për herë të parë në fund të vitit të kaluar, në qytetin Vuhan të Kinës, shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë dhe aktualisht nuk ka vaksinë për të./Opinion.al/
