Përhapja e koronavirusit ka alarmuar të gjithë botën, ndërsa deri më tani raportohet për mijëra viktima.
Lidhur më përhapjen e koronavirusit, një studim nga epidemiologët kinezë, ka arritur në konkluzionin se ky virus mund të qëndrojë në ajër për 30 minuta dhe të mbulojë një distancë prej rreth 4.5 metrash brenda, siç është për shembull një autobus i vogël.
Pra, virusi mund të përhapet në një distancë më të largët sesa siguria e një ose dy metrave të rekomanduara nga autoritetet shëndetësore në pjesë të ndryshme të botës.
Një studimin e botuar nga revista shkencore Practical Medicine dhe e cituar nga South China Morning Post, koronavirusi mund të qëndrojë në sipërfaqe për një kohë të gjatë, duke rritur rrezikun ndaj qytetarëve.
Por, duhet thënë se të dhënat që dalin nga kjo analizë kanë nevojë për studime të mëtejshme për t’u verifikuar, pasi rezultati i studimit nuk është përfundimtar.
Studiuesit kinezë raportojnë se qëndrueshmëria në sipërfaqe i nënshtrohet faktorëve të ndryshueshëm, siç është lloji i sipërfaqes dhe temperatura: në 37 gradë celsius, virusi mund të rezistojë deri në dy ose tre ditë, në qelq, metal, plastikë, letër dhe pëlhura.
Sipas studimit, koronavirusi mund të mbijetojë më shumë se pesë ditë në jashtëqitje ose lëngjet e trupit.
Dhomat e mbyllura dhe të vogla janë në rrezik të infektimit. “Mund të konfirmohet se në një ambient të mbyllur me ajër të kondicionuar, distanca e transmetimit të koronavirusit të ri do të tejkalojë distancën e njohur zakonisht si të sigurt”, shkruajnë studiuesit të udhëhequr nga epidemiologu Hu Shixiong, në hulumtimin e botuar në revistën shkencore.
Studimi ekzaminoi një grup rastesh që datojnë nga 22 janari, disa ditë para fillimit të vitit të ri hënor dhe kur epidemia nuk u njoh ende si një emergjencë kombëtare në Kinë. Një pasagjer i cili tashmë po përjetonte simptomat e sëmundjes, të identifikuar si “A”, hipi në një autobus me gjatësi të plotë prej 48 vendesh, i ulur në rreshtin e parafundit, pa maskë për të mbuluar fytyrën.
Sipas pamjeve të kamerave CCTV (e detyrueshme në Kinë), burri nuk pati kontakt me pasagjerë të tjerë gjatë gjithë udhëtimit, i cili zgjati katër orë. Koronavirus, megjithatë, kishte kohë për të zbritur në shtatë pasagjerë të tjerë përpara se “A” të lëshohej, sipas rezultateve të studiuesve, përfshirë disa që ishin gjashtë rreshta përpara “pacientit zero”, në një distancë të vlerësuar në rreth 4,5 metra.
Rreth gjysmë ore pas përfundimit udhëtimit, një tjetër grup njerëzish hipën në autobus dhe njëri prej tyre që nuk e mbante maskën u infektua, mendohet për shkak të grimcave të thithura nga grupi i pasagjerëve të ulur më parë. Pacienti i marrë në konsideratë, megjithatë, hipi në një minibus tjetër, duke infektuar, brenda një ore, dy persona të tjerë, njëri prej të cilëve ishte në një distancë prej rreth 4.5 metra.
Në fund, sipas studimit, askush nga personat që mbanin maskë për të mbuluar fytyrën ndërsa udhëtonin me pacientin zero nuk kontraktuan koronavirusin. Edhe pse ka akoma pyetje të hapura rreth studimit – siç është fakti që personi i ulur pranë “A” nuk u infektua.
Studiuesit arrijnë në përfundimin që vënia e maskës teksa përdorim mjetet publike është e rëndësishme për ndalimin e infektimit nga koronavorusi./ Opinion.al
