Sekretari i Përgjithshëm i Partisë Demokratike, Gazment Bardhi, ka reaguar pas refuzimit të propozimeve të PD nga ana e kryeministrit Edi Rama.
Bardhi shprehet përmes një postimi në rrjetet sociale se “1 në 10 shqiptarë sot ushqehet vetëm 1 herë në ditë, por Edi Rama nuk do t’ia dijë. Nga vila e tij 2 milionë euro në Surrel, refuzon propozimet realiste të PD për të ndihmuar qytetarët dhe ekonominë nga kriza e koronavirusit.”
Sekretari i përgjithshëm i PD ka hedhur akuza në adresë të kryeministrit, duke thënë se ai nuk do që të prekë paratë që ka ndarë për inceneratorët dhe klientët e tij.
LEXO EDHE: 8 propozimet e Bashës, Rama: Ky plani 7×7=42 qenka lule corone
Reagimi
1 në 10 shqiptarë sot ushqehet vetëm 1 herë në ditë, por Edi Rama nuk do t’ia dijë. Nga vila e tij 2 milionë euro në Surrel, refuzon propozimet realiste të PD për të ndihmuar qytetarët dhe ekonominë nga kriza e koronavirusit.
Maskarallëk dhe krim më të madh nuk ka se të mos prekësh milionat që Edi Rama ka ndarë për Vilmën, inceneratorët dhe klientët e tij këtë vit me buxhetin e shqiptarëve në karantinë!/ Opinion.al
