Kronikë

Koronavirusi në Shqipëri, shkon në 18 numri i viktimave


Bëhu pjesë e Grupit Zyrtar të Opinion.al
>> KËTU <<
               Publikuar në : 11:58 - 04/04/20 |
el ida

Ministria e Shëndetësisë njoftoi se ka shkuar në 18, numri i personave që kanë ndërruar jetë nga koronavirusi në Shqipëri.

Ministria sqaron se viktima është një 67-vjeçar, i cili ishte i shtruar prej 13 ditësh në spitalin infektiv.

Prej 6 ditësh ai ishte i intubuar dhe në hemodializë që e kryente brenda spitalit Infektiv.

“Ju informojmë se mëngjesin e sotëm ka ndërruar jetë në spitalin Infektiv një pacient 67 vjecar nga Tirana, i konfirmuar me COVID-19. Pacienti ishte i shtruar prej 13 ditësh në spitalin infektiv, prej 6 ditësh ishte i intubuar dhe në hemodializë që e kryente brenda spitalit Infektiv. Pavarësisht përpjekjeve të stafit mjekësor, 67 vjecari ka ndërruar jetë. Ministria e Shëndetësisë dhe Mbrojtjes Sociale i shpreh ngushëllimet familjes të të ndjerit. Deri tani 18 persona kanë ndërruar jetë nga COVID-19 në Shqipëri.” u shpreh specialistja e Institutit të Shëndetit Publik, Marjeta Dervishi.

Po ashtu, Ministria e Shëndetësisë njoftoi se në 24 orët e fundit janë konfirmuar 29 raste të reja me COVID-19, duke e çuar numrin total të të prekurve në 333./Opinion.al

Pas