Italia ka raportuar 10 497 raste të reja me koronavirus në 24 orët e fundit nga 254 mijë tamponë të kryer në të gjithë vendin.
Sipas autoriteteve shëndetësore vdekjet kanë pësuar rritje, ku 603 persona të tjerë humbën betejën me virusin, krahasuar me 377 që ishin një ditë më parë. Ndërkaq, njoftohet se lajmet e mira vijnë nga spitalet, ku raportohet për ulje të numrit të të shtruarve në terapitë intensive dhe repartet e tjera covid të spitaleve.
Kujtojmë që Italia është një nga rajonet më të goditura në Europë sa i përketë të infektuarve dhe viktimave nga COVID-19./Opinion.al
