Për shkak të situatës së krijuar nga koronavirusi, Qeveria ka vendosur që të ndërtojë një spital-karantinë, ku do të trajtohen personat e infetkuar.
Mësohet se godina e cila do të transformohet në spital është ajo e ish-universitetit privat “Kristal”, i cili u mbyll pak vite më parë nga qeveria.
Në vendimin e Qeverisë të publikuar në Fletoren zyrtare, thuhet se objekti i ish-universitetit “Kristal” mbetet në dispozicion të Ministrisë së Shëndetësisë dhe Mbrojtjes Sociale deri në përfundim të gjendjes së epidemisë së shkaktuar nga COVID-19.
“Ministria e Shëndetësisë dhe Mbrojtjes Sociale të marrë të gjitha masat, në varësi të situatës, për përshtatjen e në një strukturë karantine ose spitalore, si dhe të përllogarisë fondin për të kryer investimet e nevojshme”, thuhet në pikën 2 të këtij vendimi./ Opinion.al
