Itali vijon të shënojë shifra të larta të viktimave dhe rasteve të reja me COVID-19.
Autoritetet shëndetësore njoftojnë se në 24 orët e fundit kanë humbur jetën 431 persona, ndërsa nga 369.084 teste të kryera, janë regjistruar 23 mijë raste të reja me koronavirus.
Aktualisht, që nga nisja e pandemisë, në Itali kanë humbur jetën 103 mijë persona nga koronavirusi.
Në spitale ndodhen 3317 persona që po marrin trajtim mjekësor më të specializuar, ndërkohë që Lombardia rikthehet në krye të rajoneve me më shumë raste ditore.
