Forcat RENEA disa ditë më parë zhvilluan një operacion në zonën e Shijakut, ku dyshohet se humbi gjurmët Ervis Martinaj.
I ftuar në studion e ABC, gazetari investigativ Artan Hoxha tha se deri më tani nuk ka asnjë provë për fatin e Ervis Martinajt. Hoxha ka theksuar se hetimi nuk mund të lihet në dorën e një prokurori të vetëm të Kurbinit për shkak se çështja është shumë e madhe.
Sipas Hoxhës hetimi duhet të merret nga SPAK, ndërsa shtoi se për zhdukjen e Ervis Martinajt “një sindikatë krimi është mbrapa”.
“Telenovela po bëhet nga politika dhe nga hetuesit që nuk veprojnë siç duhet për të zbardhur këtë ngjarje”, ka thënë Hoxha në abc.
Për sa u përket kontrolleve në disa banesa në Shijak, Artan Hoxha theksoi se, nëse autorët e mundshëm për zhdukjen e Ervis Martinajt mund të ishin në këtë zonë, do të kishin pasur të gjithë kohën e nevojshme për të zhdukur provat.
