Hetimet për fatin e Ervis Martinajt, duket se kanë përplasur institucionet. Gazetarja Klodiana Lala raporton se Prokuroria e Kurbinit ka kërkuar lejimin e kontrollit të disa banesave në Durrës, por Gjykata e ka rrëzuar. Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse për të ushtruar kontrolle. Ndërkohë kërkesa për kontrollin e banesave, u pranua nga gjykata e Apelit Tiranë.
Gazetarja Klodiana Lala tha se sa i përket kontrollit që është ushtruar në dy banesa, burime zyrtare janë tejet të rezervuara por është mësuar që janë marrë disa sende prej andej.
Nuk dihet sa do i vlejnë hetimit të kësaj çështje këto aksione të policisë teksa kanë kaluar rreth dy muaj nga zhdukja e “Mbretit të basteve”.
