Janë rritur kontrollet e policisë me mjete si dronë, kamera dhe aparate fotografike për të monitoruar çdo shkelje të mundshme të rregullave të qarkullimit rrugor.
Në një njoftim për mediat policia bën me dije se janë arrestuar 68 persona, ku 33 prej tyre drejtonin mjetin pa patentë ndërsa 35 të tjerë ishin të dehur në timon.
Ndërkohë, drejtimi i mjetit nën efektin e alkoolit, iu ka hequr lejen e drejtimit edhe 84 personave. Sakaq, 398 leje drejtimi janë pezulluar për shkak të shpejtësisë tej normave të lejuara.
Përveç alkoolit dhe shpejtësisë, drejtuesit e mjeteve në Shqipëri janë ndëshkuar kryesisht për: parakalime të gabuara – 2458 persona, përdorim të aparatit celular – 1444 persona, mosvendosjen e rripit të sigurimit – 590 persona, mospërdorimin e kaskës të motomjetet – 512 persona.
Policia Rrugore apelon që të gjithë drejtuesit e mjeteve të respektojnë rregullat e qarkullimit rrugor ndërkohë që kontrollet e shtuara vijnë si pasojë e numrit të lartë të aksidenteve kohët e fundit./Opinion.al
