Ditën e sotme mblodh një tjetër strukturë e re që do të ndihmojë në arritjen e dialogut politik mes maxhorancës dhe opozitës.
Është konstituuar sot në Komisionin e Ligjeve Grupi i Dialogut.
Në një dalje për mediat, Bylykbashi tregoi detaje nga puna e këtij grupi.
Ai tha se do t’i drejtohen për ekspertizë edhe organizatave ndërkombëtare.
“Prioritet për opozitën dhe punën është trajtimi i reformës zgjedhore. Amnistia Penale nuk ishte çështje që u diskutua. Ajo që ramë dakord është listimi dhe përcaktimi në një mbledhje tjetër të objektit të punës. Do ndiqen praktikat më të mira. E nevojshme të kemi mundësinë të punohet. Opozita e ka mbështetur gjithmonë amnistinë. Duhet të shohim zgjidhjet konkrete që të arrijë objektivat.
Reforma Zgjedhore ka qenë gjithmonë çështje e vullnetit politik, përveçse detyrim. Do t’i drejtohemi për ekspertizë edhe organizatave ndërkombëtare”, tha ai.
Ai theksoi se puba që do të bëjë ky grup do të jetë transparente.
“Është vendimi i konferencës së kryetarëve, puna që do të bëjë ky grup dialogu do të jetë transparente. Do të ndjekim praktikat më të mira që kemi pasur deri më sot, e rëndësishme është të punohet, koha është e shkurtër”, shtoi ai.
Në mbledhje të pranishëm ishin nga opozita Oerd Bylykbashi, Dhurata Çupi, Erisa Xhixho, ndërkohë nga maxhoranca ishin Damian Gjiknuri, Toni Gogu dhe Klotilda Bushka./Opinion.al
