Presidenti francez, Emmanuel Macron ka reaguar i shetësuar për konfliktin Iran-Izrael dhe ka thënë se Franca do të bëjë gjithçka për të shmangur një përshkallëzim në Lindjen e Mesme.
Macron u shpreh mbështetës ndaj Izraelit dhe tha se aleatët duhet të jenë në krah të tij.
Ne do të bëjmë gjithçka për të shmangur një përshkallëzim. Ne duhet të jemi në krah të Izraelit për të siguruar mbrojtjen e tij në maksimum, por edhe për të kërkuar një kufi për të shmangur një përshkallëzim. Fokusi duhet të jetë në “izolimin e Iranit , bindjen e vendeve në rajon se Irani është një rrezik, rritja e sanksioneve, forcimi i presionit mbi aktivitetet bërthamore” në Iran, shtoi presidenti francez për BFM TV dhe radio RMC të Francës sot.
Macron deklaroi gjithashtu se avionët francezë ndihmuan në zmbrapsjen e një shkeljeje iraniane të hapësirës ajrore të Jordanisë gjatë sulmit.
“Prej disa vitesh ne kemi një bazë ajrore në Jordani për të luftuar terrorizmin. Hapësira ajrore jordaneze u shkel… Ne bëmë avionët tanë të ngriheshin dhe ne përgjuam atë që duhej të përgjonim”, theksoi
