Një konflikt për motive pronësie midis dy bashkëfshatarëve në fshatin Leshnjë të Skraparit ka agravuar në përdorimin e armës.
Sipas policisë A.H. tentoi të vriste me armë bashkëfshatarin Q.Sh. duke qëlluar në drejtim të tij. Fatmirësht, si pasojë e ngjarjes nuk pati asnjë të lënduar.
Ndërkaq, pas marrjes së njoftimit, shërbimet e Komisariatit të Policisë Skrapar kanë arritur në vendin e ngjarjes dhe kanë parandaluar përshkallëzimin e mëtejshëm të ngjarjes.
Forcat e policisë që ndërhynë duke parandaluar përshkallëzimin e mëtejshëm të konfliktit, arrestuan të dyshuarin A.H. Ky i fundit akuzohet për vrasje me dashje të mbetur në tentativë dhe armëmbajtje pa leje.
Materialet hetimore i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
