Dy familje shqiptare janë bërë protagoniste të një ngjarjeje aspak të këndshme në qytetin e Breshias në Itali. Sipas mediave lokale, si pasojë e sherrit mes familjarëve ka pasur katër të plagosur që janë dërguar në spital.
“Brescia Today” shkruan se në fillim fqinjët kanë dëgjuar ofendime dhe të bërtitura, ndërsa më vonë konflikti mes dy familjeve shqiptare ka degjeneruar në nxjerrjen e thikave dhe plagosjen e njëri-tjetrit.
Media italiane shkruan se kanë qenë gjashtë persona që janë përfshirë në konflikt, ndërsa nuk ka ende një motiv për ngjarjen. Ndërkohë policia po bën hetimet e rastit.
