Katër apartamente me vlerë rreth 300 000 euro janë sekuestruar me vendim të Gjykatës së Posaçme të Apelit për Korrupsionin dhe Krimin e Organizuar në Elbasan.
Autoritetet bëjnë me dije se dyshohet se të ardhurat për blerjen e tyre burojnë nga aktiviteti kriminal i dy bashkëjetuesve të cilët janë pronarë të tyre.
Bëhet fjalë për 48-vjeçaren Z.Gj. dhe 58-vjeçari N.V. alias B.B., të dënuar në vitin 2009, nga Gjykata e Shkallës së Parë për Krime të Rënda, për veprat penale “Trafikimi i armëve dhe i municionit” , “Prodhimi dhe shitja e narkotikëve” dhe “Falsifikimi i dokumenteve”.
“Në zbatim të vendimit të Gjykatës, u konfiskuan 4 apartamente me vlerë 300 000 euro, me sipërfaqe totale rreth 470 m2, të ndodhura në Elbasan. Vijon puna për gjurmimin dhe konfiskimin e pasurive të tjera që rrjedhin nga veprimtari të ndryshme kriminale”-njofton policia.
Materialet procedurale i kaluan Prokurorisë, për veprime të mëtejshme.
