Kryesore

Konçesionet/PD: Votat e deputetëve marioneta kushtojnë 370 mln euro


               Publikuar në : 11:37 - 13/09/19 |
Al Do

Partia Demorkatike ka akuzuar sot anëtarët e Parlamentit duke i quajtur “kukulla të Ramës”. Me rrëzimin e dekretit të Presidentit Meta dhe çuarjen përpara të koncesionit të rrugës Milot-Balldren dhe Orikum – Dukat. Sipas PD-së, anëtarët e parlamentit i kanë dhënë 366 mln euro Agim dhe Ndue Kolës (ANK) si dhe Lorenc Gjikurisë.

“Votimi i djeshëm për dy ligje që i japin praktikisht 366 mln euro Agim dhe Ndue Kolës (ANK) si dhe Lorenc Gjikurisë, për projekte të pastudiuara dhe të fryra, nuk është vetëm një krim ndaj buxhetit, në të vërtetë vendimi i djeshëm është vrasja me borxh të panevojshëm i fëmijëve tanë” ka deklaruar në një konferencë për mediat ish-deputetja Jorida Tabaku.

Kontrata e koncesionit Milot-Balldren ka disa probleme deklaroi Tabaku. Kompania fituese, ANK, po merr nga shteti një shumë 15 herë më të madhe se sa vlera e saj deklaroi ajo. Shteti mund ta kishte realizuar vetë këtë projet sipas Tabakut duke përfituar një kredi me interes më të ulët dhe duke mos shlyer 6.4 milionë euro interesa për një kompani private.

Tabaku denoncoi gjithashtu se ky koncesion ka shkelur ligjet duke mos marrë miratimin e Ministrisë së Financave dhe duke tejkaluar vlerën e tenderuar.

Pagesa në euro tha ajo rrit rrezikun për buxhetin e shtetit dhe shtoi se ky projekt do të kushtojë në total 370 mln euro duke ndikuar në rritjen e borxhit publik me 2,8%.

“Këto kontrata të dhëna me vlera të fryra, me ofertë të pakërkuar, pa tender dhe pa garë, pa vlerë fikse, pa studim teknik, me kompani që qartësisht nuk i kanë kapacitetet të cilat do paguhen mga buxheri shtetit për 10 deri ne 15 vitet e ardhshme. Projekte që si parim kanë konceptin “Të fitojnë oligarkët dhe kryeministri” janë denoncuar nga Partia Demokratike që shtatorin e vitit të kaluar si pjesë e paketes antimafia dhe ato do të hetohen imtësisht e kushdo që ka shkelur parimet kushtetuese do të mbajë përgjegjësi” mbylli deklaratën e saj Jorida Tabaku. /Opinion.al

Pas