Ai është ndër të rrallët këngëtarë, me shumë gjasë i vetmi, që muaji korrik e ka gjetur me punë më kohë të plotë.
Siç ka njoftuar vetë në llogaritë e rrjeteve sociale, këtë muaj reperi i famshëm Noizy ka plot 31 koncerte, aq sa ka dhe ditë korriku. Mirëpo po i ndodh artistit, që takimet me fansat t’i ketë në distanca jo të vogla. Për shembull mbrëmë Noizy performoi në Vlorë, ndërsa sonte e presin në qytetin e Dibrës. Për të evituar orët e gjata në rrugë këngëtari ka gjetur një zgjidhje më afatshkurtër e shumë më komode. Siç e shihni edhe në video, tanimë Noizy shkon në punë me helikopter. /RevistaWho/
