Kompania turke “Turgut Ozal Education” sh.a, ka paditur në Prokurorinë e Tiranës, Policinë e Shtetit, për shpërdorim detyre.
Në një dalje për mediat në dyert e prokurorisë, avokati i kompanisë tha se padia penale është bërë për shkak se sipas tyre, policia ka ushtruar kontrolle të paligjshme në zyrat e kompanisë pa paur mandat, vendim prokurorie apo gjykate.
“Ka ndodhur disa kontrolle që ne i gjykojmë si të kundërligjshme, kemi adresuar kallëzimin penal. Kanë hyrë me forcë, kanë bastisur, kanë marrë me forcë faturat tatimore, libër shitjeje, amza nxënësit, kontrata me prindërit dhe nxënësit.”, deklaroi avokati.
Po ashtu avokati bëri me dije se kanë kallëzuar rreth 12 persona. Ai shtoi se së fundi, kompania është kontrolluar nga Drejtoria e Përgjithshme e Tatimeve dhe se nuk është konstatuar asnjë parregullsi dhe shkelje.
Kompnia turke e cila ka në pronësi disa shkolla në vend, ndodhet nën hetim për pastrim parash./ Opinion.al
