Sheh në internet reklamën e një marke veshjesh për femra të kolme, por indinjohet. Christina Ashman, një blogere nga Bristol vendosi t’i përgjigjej me mënyrën e saj imazheve të publikuara on line.
Reklama e Wish, një sajt i njohur për veshje dhe aksesorë të të gjitha llojeve tregonte një palë pantallona të shkurtra në masë të madhe, të përshtatshme për femra të bëshme, ku një modele hynte e gjitha vetëm në një këmbë.
Për Christinën reklama ishte një fyerje e hapur për ato të cilat në atë hapësirë arrijnë të fusin vetëm njërën këmbë.
“Mendova se ishte shembulli më i keq i marktingut që kisha parë ndonjëherë. Nëse i drejtohet një publiku specifik, duhet të tregohet edhe efekti që produkti do të ketë në trupin e tyre”, shprehet ajo.
Fotoja u postua në Facebook me qëllim që të tregonte sa qesharake ishte fotoja origjinale. Christina gjitashtu ka sulmuar ashpër sajtin Wish, duke e konsideruar reklamën e tyre një formë të qartë diskriminimi.
