Anijet e transportit të mallrave që sjellin porositë për biznesin në Shqipëri dhe Kosovë kanë mbetur të bllokuara prej 10 ditësh në portin e Durrësit, ndërsa disa syresh janë kthyer mbrapsht. Kështu, anija “Aziatik Liberty”, e ngarkuar me kontenierë qendroi prej datës 6 deri më 9 tetor në radë duke pritur të shkarkojë mallin në portin e Durrësit por ishte e pamundur. Kjo anije është kthyer mbrapsht për tu ankuruar në Mal të Zi apo Greqi, raporton Tv Neës 24.
Kjo situata në port është që prej së hënës së kaluar pas janë prishur vinçat e kompanisë që ka me koncension portin “Durrës konteiner Terminal”.
Sakaq, anija “MSC Augusta” e linjës së dytë më të madhe në botë të transportit me konteinerë, mori vetëm një pjesë të sasisë në portin e Durrësit, ndërsa anija “CMA –CDM” e linjës së tretë më të madhe botërore të transportit me kontenierë, qëndroi prej datës 5 deri më 7 tetor në pritje në port.
Nga data 7 tetor deri tani kjo anije qëndron në pritje për të shkarkuar mallin që kërkojnë bizneset në Shqipëri, Kosovë e Maqedoni.
Në terminalin e kontenierëve janë makinat e kompanive të transportit rrugor që presin mallin ta dërgojnë në destinacion, por kontenierët nuk mund të shkarkohen nga mungesa e vinçave.
Terminali i kontenierëve është koncesion i “Durrës Konteinier Termial” i cili ka detyrim ligjor që të ketë mjetet në dispozicion 24 orë në ditë sipas kontratës së firmosur me Ministrinë e Transporteve.
Autoriteti Portual i Durrësit reagoi duke e konsideruar situatën kritike. Artjan Qirici nëndrejtori ekzekutiv në një intervistë për Neës24 tha se dëmi më i madh po i bëhet kompanive të biznesit, të cilave çdo vonesë iu rrit koston, ndërsa kostoja rritet edhe nëpërmjet transportit nga në port në tjetrin. Përveç kësaj edhe imazhi i portit të Durrësit, ka rënë. Nëndrejtori i Portit paralajmëroi gjithashtu se do të ketë penalitete për koncesionarin për dëmin që po i shkakton biznesit dhe portit si dhe për mosrepsektimin e kontratës.
