Pasi deputetët demokratë penguan futjen në sallë të socialistëve të komisioni i ligjeve duket se “mbledhja” e Komisionit të Sigurisë u zhvillua në korridoret e Kryesisë së Kuvendit.
Deputetët e opozitës dhe ata të Partisë Socialiste u përfshinë në debate, ndërsa demokratët vijuan me kërkesën e tyre për ngritjen e komisioneve hetimore.
Deputeti socialist, Vullnet Sinaj u kërkoi kolegëve të opozitës që t’i drejtohen sërish Gjykatës Kushtetuese për plotësimin e kërkesave të tyre në vend që të pengojnë punën e komisioneve.
Pjesë nga debati:
Sinaj: Nuk mund të bëhet Parlamenti gjykatë.
Gështenja: Sapo tha Dumani që nuk cenon fare hetimin. Ne rekomandojmë komisionet hetimore. A e dëgjove kryeprokurorin dje.
Sinaj: Vetëm Gjykata Kushtetuese mund të shpjegojë Kushtetutën.
Gështenja: Ne kërkojmë respektimin e vendimin e Gjykatës Kushtetuese.
Sinaj: Në vend që të rrini këtu të na pengoni drejtohuni Gjykatës Kushtetuese.
Gështenja: Keni një vendim të Gjykatës Kushtetuese, pse nuk e nxirrni.
