Kombëtarja shqiptare zhvilloi seancën e fundit stërvitore në stadiumin “Niko Dovana” në Durrës për miqësoren e 26 tetorit ndaj Arabisë Saudite.
Në këtë seancë stërvitore kanë marrë pjesë 18 lojtarë. Ndërkohë, pesë nga futbollistët e ftuar do të udhëtojnë menjëherë në Abu Dabi të hënën për t’u bërë pjesë e Kombëtares. Bëhet fjalë për Ardit Tolin, Mario Mitaj, Bekim Balaj, Elhan Kastrati dhe Gentian Selmani, të cilët kishin ndeshje me ekipet e tyre të dielën.
Tekniku Edi Reja mbajti një seancë ku u përqendrua në aspektin taktik, ndërsa do të ketë edhe një seancë tjetër të martën në stadiumin ku do të zhvillohet miqësorja me përfaqësuesen arabe.
Miqësorja Arabi Saudite-Shqipëri do të luhet të mërkurën, datë 26 tetor në “Al Nahyan Stadium” të Abu Dabit dhe do të nisë në orën 18:30 sipas orës lokale 16:30 sipas orës shqiptare tonë. Po ashtu bëhet me dije se, Federata Arabe ka bërë kërkesë që ndeshja mos të transmetohet askund.
