Numri 2 i PPE në Parlamentin Europian, Andrei Kovaçev, ka dalë në mbështetje të për Zgjerimin, Oliver Varhelyi në lidhje me qëndrimin e tij për çështjen e Kodit Zgjedhor.
Përmes një reagimi në rrjetet sociale, Kovaçev ka kërkuar që qeveria dhe parlamenti të presin Opinionin e “Venecias” para se të votojnë për Kodin Zgjedhor.
“Mbështes qëndrimin e Komisionerit OliverVarhelyi! Kodi Zgjedhor duhet të jetë, në çdo rast, në përputhje me Opinionin e Komisionit të Venecias, pasi do të ishte në favor të demokracisë në Shqipëri. Unë i bëj thirrje Kryeministrit Rama dhe Kuvendit të Shqipërisë që ta respektojnë këtë,”-shprehet Kovaçev.
Kujtojmë se Komisioneri Evropian Për Zgjerimin Oliver Varhelyi reagoi pas deklaratës së presidentit Ilir Meta, i cili në lidhje me ndryshimet në Kodin Zgjedhori i është drejtuar Komisionit të Venecias.
Varhelyi u shpreh se beson që Venecia do i kthejë shpejt përgjigje palëve të interesuara në Shqipëri me këshilla për këtë çështje. Ndërkohë, kryeministri Edi Rama tha se mendimi i “Venecias” është gjithnjë i mirëseardhur, por procedura në këtë rast, sipas tij, është e qartë që refuzimi i presidentit pranohet ose rrëzohet nga parlamenti./ Opinion.al
