Kryeministri Edi Rama ka zhvilluar një takim pasditen e sotme me të rinjtë e Partisë Socialiste në Tiranë.
Gjatë fjalës së tij, Rama është ndalur te anëtarësimi i Shqipërisë në Bashkimin Evropian. Kreu i qeverisë u shpreh se ende nuk ka ardhur koha që raporti ynë me BE të jetë i pavarur nga kush qeverisë në Shqipëri.
Kryesocialisti nuk ka lënë pa ironizuar edhe koalicionin opozitën, duke u shprehur se Kujtim Gjuzin është lulja më e bukur në atë buqetë.
Pjesë nga fjala e Ramës:
BE është i rëndësishëm edhe për ekzistencën dhe sigurinë kështu sic po shkojnë gjerat. Gjithë përpjekja që po bën sot BE dhe që unë jam i bindur më herët se vonë do jetë përpjekje e gjithë kontinentit tonë, flas për vendet demokratike që do mblidhen në Tiranë më 16 maj është një qasje komplet e re ndaj sigurisë, ndaj mbrojtjes dhe ndaj sensit të përbashkët të sigurisë.
Kjo është diçka e re, është diçka urgjente e kohës dhe këtu na duhet lidership, na duhet qëndrueshmëri, stabilitet i plotë në këtë marrëdhënie. Nuk ka ardhur akoma kohë që raporti ynë me BE të jetë i pavarur nga kush qeverisë në Shqipëri. Ajo kohë vjen në momentin kur ne bëhemi anëtar. Për aq kohë sa nuk jemi anëtarë është e rëndësishme se kush qeveris në Shqipëri. Është bërë një investim i madh në këto vite që ne të kemi këtë partneritet, këtë respekt reciprok dhe të kemi këtë besim tek Shqipëria. Cdo lloj lëkundje dhe cdo tango me Kujtim Gjuzin do krijonte një lëkundje të përgjithshme. Kujtim Gjuzi është lulja më e bukur në atë buqetë. Më besoni. Është ku ma gjen.
Tjetra që ka rëndësi është që na duhet BE sot dhe na duhet të jemi anëtar të BE sa më parë për të marrë një fuqi të re financiare. Përveç të gjitha të mirave të tjera ka anëtarësimit. Në momentin kur ne hyjmë në BE futemi në shtetet përfituese.
