Këshilli i Lartë i Prokurorinë në mbledhjen e sotme vendosi të kthejë tek Krimet e Rënda dy prokurorët, Besim Hajdarmataj dhe Olsian Çela. Dy prokurorët e njohur për një sërë çështjes mes tyre dhe për Tahirin, janë rikthyer në pozicionet që kishin më parë.
Vendimi është marrë me 6 vota pro dhe 5 kundër, ndërsa është paraprirë nga debate të shumta, lidhur me vendimin e marrë nga Arta Marku, për ti transferuar dy prokurorët në rrethe.
Hajdarmataj dhe Çelaj u transferuan në shtator 2018 në rrethe nga Kryeprokurorja Arta Marku pas ngërçit që u krijua me dosjen e Emiljano Shullazit. Dy prokurorët fituan dhe gjyqin në Shkallën e Parë, ndërsa Marku e çoi çështjen në Apel. Por KLP-ja nuk ka pritur vendimin e Apelit, duke vendosur që dy prokurorët të rikthehen në detyrë tek Krimet e Rënda. Kujtojmë se në muajin Shtator pati një debat të ashpër tek Krimet e Rënda, pasi prokurorët nuk pranuan shortin për dosjen “Shullazi”. Asokohe u mor edhe masa ndëshkimore për të transferuar në rrethe disa prej prokurorëve që kundërshtuan, Arta Markun dhe Donika Prelën. /Ri.De
