Sistemi i patronazhistëve ka qenë në fokusin e akuzave të opozitës pas humbjes së zgjedhjeve parlamentare, pasi sipas saj, ata zbulojnë të dhënat e qytetarëve në mënyrë të jashtë ligjshme.
Por, sekretari organizativ i PS-së, Blendi Klosi shprehet se patronazhistët janë element të statutit të PS.
Në “ABC”, Klosi tha se patronazhdistët referojnë partinë se sa vota mund të ketë në një zonë të caktuar në vendin tonë.
“Patronzhistët janë një element statutor i PS-së. Ka pasur shumë diskutime dhe komente të tipave të ndryshme. Patronzhistët janë mbështetës të PS në një zonë të caktuar, në një qendër votimi të cilët përpiqen që të thithin opinionin publik në këtë qendër votimi, të ndahen në mënyrë të strukturuar për të vlerësuar mbështetësit tanë, votuesit tanë, për t’i asistuar në procesin e votimit, pra për të lehtësuar votën e PS-së. Ky është patronazhisti. Votën tuaj të fshehtë nuk e di asnjeri. Patronzhistët mendojnë që në këtë zonë ne kemi kaq vota dhe kjo është puna e partisë”,-tha Klosi./Opinion.al
