Gazetarja Klodiana Lala ka deklaruar se Ervis Martinaj ka qenë i pranishëm në varrimin e kushëririt të tij, Brilant Martinaj, i cili mbeti viktimë e një atentati.
Në “News 24”, Lala u shpreh se Martinaj arriti të largohej dhe autoritetet nuk bën asgjë për ta arrestuar.
Sipas gazetares, Martinaj është një personazh që ka lidhje të forta me segmente të ndryshme shtetërore.
“Martinaj nuk ishte personazh sido në botën e krimit. Shoqërohej nga Strukturat Speciale. Kishte mbështetje. Nuk besoj se në botë eskortohen bosët nga Forcat e Posaçme Operacionale. Martinaj i ka humbur gjurmët në një ndërtesë që banonte edhe Prokurori i Përgjithshëm, para syve të Gardës së Republikës. Të marrësh pjesë në funeralin e kushëririt, të lëvizësh ditën për diell e policia mos lëvizë, këtë e bëjnë çështje shqetësuese. Strukturat duhet të ishin vigjilente. Personazh i krimit i lidhur me segmente shtetërore”,-tha Lala.
