“I kërkoj falje familjes së gruas sime, fëmijëve të mi dhe shoqërisë. I kërkoj falje fëmijëve të mi që i lashë jetimë”
Me këto fjalë, Klodi Lesi, shqiptari që vrau gruan greke dhe u arratis me një nga djemtë ka bërë një ndjesë publike para mediave greke.
Ai nuk ka ditur të thotë saktësisht se si arriti ta vriste gruan me thikë.
“Unë nuk i kisha parë fëmijët e mi që nga Krishtlindjet dhe kështu unë i kerkova të merrja djalin për dy ditë gjate Epifanisë dhe ajo pranoi. Por atë ditë ajo e mori prapë. Kur dola prapë për t’i parë fëmijët ajo më tha se nuk do t’i shoh më. aty mendja ime u bllokua, shkova në shtëpi, por pastaj nuk mbaj mend gjë”, tha shqiptari.
Lesi shton se kujtesa iu kthye më vonë kur pa duart e lara me gjak dhe djalin e vogël.
Lesi pranon se nuk e imagjinonte se mund të bënte diçka të tillë.
