Kryetari i KQZ, Klement Zguri duke folur për gazetarët pas kërkesës së PS për ta shkarkuar tha se “kam kërkuar të ruhet statusi tim si funksionarit publik”.
Më tej ai argumentoi se PS nuk ka bërë deri më tani asnjë ankesë në Kolegjin Zgjedhor.
“Kush është institucioni që vlerëson vendimin e KQZ?! Deri tani asnjë subjekt zgjedhor nuk e ka ankimuar vendimin në Kolegjin Zgjedhor. Unë me deklarata politike num merrem”.
Sipas tij ka ka procesverbale që verifikon pretendimet në fjalë dhe KQZ është e hapur. Klement Zguri u zgjodh kryetar i KQZ në Maj të këtij viti në bazë të marrëveshjes Rama-Basha.
Një ditë më parë, PS-ja kërkoi largimin e kreut të KQZ me argimentin se ka shkelur ligjin duke mbajtur në detyrë kreun e Bashkisë së Mallakastrës.
“Kuvendi ë fillojë procedurat për shkarkimin e zotit Klement Zguri nga detyra e Kryetarit të KQZ, për shkelje të rëndë të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, deklaroi dje Taulant Balla.
Pjesë nga deklarata e tij në facebook
Gjatë këtyre ditëve mbarë opinioni publik është njohur me faktin se edhe pse Prokuroria dhe Gjykata italiane i kanë konfirmuar Prokurorisë shqiptare dhe KQZ dënimin me dy vite burg “për vjedhje”…” të Agron Faslli Kapllanaj, me funksion Kryetar i Bashkisë Mallakastër, i zgjedhur me mbështetjen e Partisë Demokratike dhe për pasojë “përfshihet në fushën e ndalimit të parashikuar nga neni nenin 2, pika 1, gërma c) të ligjit 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Mbarë opinioni publik u njoh edhe me faktin se Kryetari i Komisionit Qendror të Zgjedhjeve Klement Zguri me paramendim vendosi të fshehë dhe të arkivojë pa e shqyrtuar në KQZ vendimin e Prokurorisë së Përgjithshme për subjektin deklarues Agron Faslli Kapllanajn.
Jemi në kushtet kur është mëse e qartë se Kryetari i Komisionit Qendror të Zgjedhjeve Klement Zguri ka kryer shkelje të rënda të ligjit dhe përmes veprimeve e mosveprimeve të tij i shtyu sa mundi jetën politike një të zgjedhuri lokal me rekorde të rënda kriminale, vetëm e vetëm sepse është i të njëjtit krah politik me të dhe i ndikuar nga urdhërat politike. Shembull konkret dhe i patolerueshëm i njëanshmërisë së verbër politike dhe mungesës së profesionalizmit.
