Connor Reed, i njohur si britaniku i parë i prekur nga koronavirusi ka treguar në një ditar “eksperiencën e tij” me sëmundjen.
25-vjeçari nga Uellsi, ka punuar në një shkollë në Wuhan të Kinës, dhe ka mbajtur një ditar ku ka treguar hap pas hapi se çfarë ka ndodhur me të dhe si është realisht të prekesh nga virusi që prek sistemin e frymëmarrjes.
Në ditën e 7-të të asaj që ai e mendonte si ftohje, Reed shkroi:
“Ndihem shumë keq, kjo nuk është thjesht ftohje. Më dhemb gjithë trupi, koka po më plas, sytë më djegin, fyti më është bllokuar. Më mbyti kolla”.
Ndërkaq në ditën e 12-të, duket se gjërat u agravuan sërish dhe ai shkroi:
“Kur mendoja se më liroi gripi dhe po bëhesha më mirë, sot jam edhe më keq. Kam temperaturë, po dridhem dhe po djersij. Nuk kam qenë kurrë kaq sëmurë në jetën time. Mezi marr frymë”.
Në ditën e 24-t, i riu më në fund shërohet: “Urra! Më në fund u shërova. Kush e mendonte se një grip mund të ishte kaq i keq”.
Britaniku theksoi se nuk ka marrë asnjë antibiotik, por vetëm ka pirë lëngje të nxehta gjatë gjithë kohës, duke i besuar mënyrës tradicionale. Kjo edhe për faktin se alarmi për koronavirusin në Kinë shpërtheu rreth 10 ditë pasi britaniku u shërua dhe ai nuk kishte asnjë informacion për virusin./Opinion.al
