Në një aktivitet të organizuar, në kuadër të 100 vjetorit të marrëdhënieve mes Shteteve të Bashkuara të Amerikës dhe Shqipërisë, ambasadorja e SHBA në Shqipëri, Yuri Kim u shpreh se SHBA nuk është lëkundur kurrë nga besimi për një Shqipëri të pavarur dhe sovrane.
Më tej, Kim tha se SHBA është krenare që mbështeti aplikimin e Shqipërisë në NATO, krenar që jemi partnerë në Këshillin e Sigurimit dhe sërish krenar që këtë muaj mbështesin integrimin e Shqipërisë në BE.
“Ishte një pishtar që u fsheh. Ne kemi nderin e madh të trashëgojmë atë pishtar dhe ta mbrojmë atë, ditë dhe natë që ai të ngrohë miqësinë mes popullit shqiptar dhe amerikan. Shumë gjëra kanë ndryshuar në 100 vite, ajo që mbetet e pandryshuar është se SHBA kurrë nuk është lëkundur nga besimi në një Shqipëri të pavarur dhe sovrane. Ne kurrë nuk kemi lejuar që të lëkundemi në besimin që kemi ndaj jush. Ne jemi krenar që mbështetëm aplikimin tuja në NATO. Krenar që jemi partner në Këshillin e Sigurimit dhe sërish krenar që këtë muaj t’u mbështesim edhe në integrimin e BE-së. Nuk jemi lëkundur kurrë për mbështetjen e sovranitetit të popullit shqiptar.”- tha Kim.
