Dashuria është misterioze, por ndoshta nuk është dhe aq fat. Sipas studimeve, hormonet tuaja, interesat dhe edukimi përcaktojnë se me cilin do të dashuroheni, dhe cili do t’ju dashurojë marrëzisht. Psikologët dhe studiuesit e tjerë kanë mbledhur disa arsye të çuditshme që i bëjnë njerëzit të dashurohen.
Nëse jeni të ngjashëm dhe si rrjedhojë e njihni njëri-tjetrin shumë mirë. Mund t’i lexoni mendimet thjesht duke e parë. Koha ka treguar se jo gjithmonë të kundërtan tërhiqen. Të shoqërohesh me dikë që të kupton dhe ka interesa të njëjta me ty është thelbësore sipas psikologëve.
Nëse vajza ngjan me mamanë e partnerit, ose ai me babanë e saj. Studimet e shumta tregojnë që njerëzit priren t’u kushtojnë vëmendje personave që kanë tipare të ngjashme me prindërit e tyre.
Nëse mbani aromë të mirë ose keni aromën tuaj karakteristike. Edhe era e meshkujve/femrave bëhet nxitëse për hormonet. Kush do e harronte një grua që, përveç të tjerave, mbante një erë të mirë?
Nëse ke një qen (e çuditshme, por nuk përjashtohen as rastet kur partneri ka frikë nga qentë!). Personat që kanë kafshë, përgjithësisht qen, japin idenë e një njeriu të pjekur, të kujdesshëm dhe të përkushtuar.
Nëse preferoni të vishni ngjyrën e kuqe (fundja, tërbon dhe demat). Ngjyra e kuqe është lehtësisht e dallueshme në turmë, dhe shumica e njerëzve fiksohen me të.
Nëse keni një model flokësh ose mjekër që ju dallon. Sipas studiuesve, sa më e dendur të jetë mjekra e një mashkulli, aq më mashkullore është fytyra e tij.
