Anëtarët e familjes mbretërore janë gjithmonë në vëmendjen e të gjithë publikut. Veshja, flokët dhe çdo detaj tjetër tek dukeshat është i rëndësishëm dhe komentohen me detaje nga mediat dhe publiku i gjerë.
Më poshtë ju mund të lexoni disa nga rregullat e bukurisë që nuk duhet t’i thyejnë asnjëherë zonjushat:
Jo buzëkuq i ndezur
Ju asnjëherë nuk do të shihni një grua nga familja mbretërore që vendos buzëkuq me ngjyra të ndezura. Në fakt për familjen mbretërore, çdo ngjyrë tjetër që nuk është rozë dhe ngjyrë të lëkurës së trupit, nuk konsiderohet e përshtatshme. Ndaj buzëkuqi është gjithmonë një detaj që nga gratë e familjes mbretërore e shohin me rëndësi, shkruan cosmopolitan.
Jo konturim
Kim Kardashian është mbretëresha e Instagram-it dhe është e fiksuar pas konturimit. Ndërsa, Mbretëresha e ardhshme e Suedisë, Victoria nuk e realizon asnjëherë konturimin. Ajo duhet të qëndrojë gjithmonë natyrale dhe e freskët dhe me tualet sa më origjinal.
Jo sy të rënduar
Zonjat mbretërore nuk i rëndojnë sytë, ato preferojnë natyralen, sepse në ditët e sotme kur shumica e vajzave zgjedhin një grim të rënduar, princeshat nuk mund të jenë të tilla.
Grimi duhet të qëndrojë gjatë
Princeshat, mbretëreshat dhe dukeshat zakonisht kanë një agjendë të ngjeshur gjatë ditës dhe marrin parasysh edhe kohën: me shi, erën, temperaturat e larta. Pra, ato janë gjithmonë të përgatitura dhe realizojnë një grim estetik që gjatë ditës ky grim mos t’ju hiqet lehtë.
Jo lyerje në publik
Sipas rregullave të grimit, është e papërshtatshme që gratë të lyhen në ambiente publike. Gratë mbretërore e kanë rreptësisht të ndaluar këtë veprim.
Jo ngjyra të ndezura për thonjtë
Zonjat mbretërore preferojnë t’i mbajnë thonjtë e tyre të shkurtër dhe t’i lyejnë ato me një manikyr ngjyrë natyrale. Është rregull që thonjtë e tyre duhet të duken të pastër dhe elegant dhe jo në ngjyra të ndezura. /G.Z-Opinion.al
