Testimet e fundit raketore të Koresë së Veriut, kanë bërë që Britania, Gjermania dhe Franca t’i kërkojnë Këshillit të Sigurimit të Kombeve të Bashkuara një takim me dyer të mbyllura.
Ushtria jugkoreane është shprehur se Koreja e Veriut ka nisur dy raketa balistike me rreze të shkurtër veprimi, duke i bërë presion kështu Koresë së Jugut dhe Shteteve të Bashkuara që të pezullojnë stërvitjet e ardhshme ushtarake.
Sekretari i Përgjithshëm i Kombeve të Bashkuara, Antonio Guterres beson që testimet raketore janë “vetëm një tjetër rikujtim për rëndësinë e bisedimeve për denukelarizim të Gadishullit Korean”.
Kujtojmë që presidenti amerikan, Donald Trump dhe lideri i Koresë së Veriut, Kim Jong-un kanë mbajtur dy samite për denukelarizim të Gadishullit Korean, por deri më tani ende nuk kanë arritur në një marrëveshje përfundimtare./ Opinion.al E.Xh.
