Një shqiptar që jeton në Chieti, i identifikuar si Thanas Beqari, u arrestua nga policia italiane me akuzat e kundërshtimit të forcave policore në publik dhe dëmtimit personal
Shqiptari raportohet nga mediat italiane se ka kundërshtuar me dhunë, duke i gjuajtur me shkelma, grushta dhe një rrip policët, për t’i penguar ata të ekzekutonin procedurën e esktradimit (kthimit) të tij duke e shoqëruar në kufi. Për shkak të dhunës që ka ushtruar shqiptari kundër dy policëve, ata kanë marrë lëndime që u duhet të marrin veten për 10 ditë. Gjyqtarja e një gjykate në Chieti, Isabela Allieri ka konfirmuar arrestimin duke dhënë masën e arrestit shtëpiak për Beqarin. Procesi gjyqësor ndaj tij do të mbahet më 1 shtator.
