Kryesore

“Kërkoj falje për gabimet tona”, Basha: PD do qëndrojë në këmbë e fortë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:17 - 08/12/21 |
Opi Nion

Kreu i Partisë Demokratike, Lulzim Basha, gjatë fjalës së tij në aktivitetin për Ditën e Rinisë, “8 Dhjetorit, përmes veprave të autorëve”, organizuar nga Fondacioni për Liri dhe Demokraci, ka shprehur mirënjohje për dhjetoristët e ’90-ës.

Basha ka kërkuar falje si kryetar i PD “që i kanë mundësuar këtij regjimi ta kthejë Shqipërinë në shumë aspekte në dimensoinin e vuajtjes aty ku ishte 31 vite më parë”.

Ai gjithashtu është zotuar se PD do të dijë të qëndrojë në këmbë e fortë.

Pra të kërkojmë falje, dhe e kërkoj sot faljen si kryetari i PD, në emër të PD, për të gjitha ato përgjegjësitë tonat, gabimet tonat e pse jo dhe fajet tonat që i kanë mundësuar këtij regjimi ta kthejë Shqipërinë në shumë aspekte në dimensionin e vuajtjes, aty ku ishte 31 vite më parë e bashkë me këtë zotohem para jush në këtë ditë të shenjtë, ditën e rinisë e të lirisë se PD është në këmbë, PD është e fortë, PD ka ditur dhe do dijë të qëndrojë në këmbë e fortë dhe e bashkuar se ne kemi një mision: lirinë demokracinë, Shqipërinë si gjithë Evropa, e kemi marrë nga dhjetoristët e nuk e dorëzojmë deri sa ta bëjmë realitet”,-tha Basha./Opinion.al

Pas