Gjykata e Apelit të Tiranës ka rrëzuar ditën e sotme kërkesën e Marjus Demës, për ndryshimin e masës së sigurisë.
Dema është i riu, i cili vrau me armë zjarri mikun e tij Mehmet Qema në zonën e “5 Majit” në Tiranë.
Bëhet me dije se përmes avokatit të tij, Marjus Dema ka kërkuar ndryshimin e masës së sigurisë pasi shkalla e parë ka dhënë për të “Arrest me burg”. 28 vjeçari ka kërkuar masë më të butë sigurie por kjo kërkesë nuk është pranuar nga Gjykata e Apelit, teksa bëhet me dije se i riu është shprehur se ngjarja ka qenë aksidentale dhe tashmë është penduar./Opinion.al
