Është shtyrë seanca në Gjykatën e Fierit pas kërkesës së bërë nga ish-deputetit Ervin Salinji për t’u liruar nga burgu.
Pas përfundimit të seancës avokati i Salianjit, Ledio Braho , në një prononcim për mediat ka pohuar se seanca është shtyrë disa ditë pasi IEVP Fier pasi nuk kishte dërguar raportin e vlerësimit .
“Besoj se do të ketë dy seanca deri në marrjen e një vendimi ka thënë Braho dhe ka pohuar se është në të drejtën e tij për të fituar lirinë , edhe pse nuk bëjmë dot orakullin për proceset gjyqësore në Shqipëri”, tha ai.
Salianji u shpall fajtor me vendim të formës së prerë për kallëzim të rremë nga gjykata e Apelit për dosjen ‘Babale’, duke e dënuar me 1 vit burg.
Ai e cilësoi procesin si të montuar dhe e quajti veten një të dënuar politik. Në muajin mars, Gjykata e Lartë i rrëzoi rekursin kundër dënimit me 1 vit burg.
