Ditën e sotme kryeministri Edi Rama e ka konsideruar si përgjegjësi personale nëse kandidatët e përfshirë në listat zgjedhore rezultojnë të dënuar apo me të shkuar kriminale.
“Është përgjegjësi personale ndaj çdo kandidati nëse rezulton i dënuar apo me të shkuar kriminale”.- tha Rama.
Pas kësaj deklarate, ka ardhur dhe reagimi i Sekretarit të Përgjithshëm të Partisë Demokratike Gazment Bardhi.
Nëpërmjet një postimi në llogarinë e tij në “Facebook”, Bardhi i cilëson si të turpshme dhe të dëmshme deklaratat e Ramës, duke shtuar se turpëroi e dëmtoi statusin ndërkombëtar të Shqipërisë.
Kujtojmë që ka qenë Ambasadorja e SHBA-ve në Shqipëri ajo, e cila ka bërë thirrje që nga listat zgjedhore të hiqen të gjithë personat me të shkuar kriminale, të korruptuarit apo kriminelët.
Postimi i plotë i Gazmend Bardhit:
Përgjigja e Ramës ndaj kërkesës së SHBA-ve që partia e tij të mos përfshijë kriminelë në lista- është e turpshme dhe e dëmshme. Edhe një herë Rama e turpëroi Shqipërinë dhe dëmtoi statusin e saj ndërkombëtar.
Pas 8 vitesh në të cilat Rama shkatërroi ekonominë dhe vendin tonë, tani ai po shkatërron edhe marrëdhëniet tona me Shtetet e Bashkuara të Amerikës dhe Bashkimin Evropian.
Për të sjellë ndryshimin dhe një të ardhme më të mirë në Shqipëri, ne duhet të largojmë Ramën – dhe kjo është pikërisht ajo që populli shqiptar do të bëjë në 25 Prill!/Opinion.al
