Tre të rinj janë vënë në kërkim nga Policia e Vlorës pasi ata kanë kërcënuar me një send të ngjashëm me armë zjarri një 33-vjeçar.
Uniformat blu bëjnë me dije se bëhet fjalë për shtetasit J. A., 29 vjeç, E. A., 27 vjeç dhe G. B., 24 vjeç.
Policia ka sekuestruar në banesën e një prej autorëve edhe një sasi municioni luftarak.
“Specialistët për Hetimin e Krimeve të Komisariatit të Policisë Vlorë referuan materialet në Prokurori dhe po punojnë për kapjen e shtetasve J. A., 29 vjeç, E. A., 27 vjeç dhe G. B., 24 vjeç, të tre banues në Vlorë, pasi ditën e djeshme, ka kallëzuar shtetasi E. H., 33 vjeç, banues në Cërrik, se këta shtetas e kanë kanosur me një send të ngjashëm me armë zjarri, për motive të dobëta. Gjatë kontrollit në banesën e shtetasit G. B. u gjet dhe u sekuestrua një sasi municioni luftarak”, njofton policia.
Materialet procedurale i kaluan Prokurorisë, për veprime të mëtejshme./Opinion.al
