Në vijim të fushatës së tij elektorale për zgjedhjet e 14 Majit, Belind Këlliçi ka takuar këtë të enjte një çift pensionistësh në kryeqytet.
Këlliçi, gjatë takimit, iu bëri llogaritë e përfitimit nga transporti publik falas pensionistëve, projekt të cilin kandidati i opozitës për Bashkinë e Tiranës tha se do ta vërë në zbatim pas fitores në zgjedhjet lokale të 14 majit.
Ai theksoi se transporti publik falas në muaj i kusen mesatarisht një familjeje të paktën 50 mijë lekë të vjetra.
“Transporti urban me aq sa kushton, u lehtëson jetën 200 mijë qytetarëve në ditë që e përdorin. Përveç se ul koston e jetesës, sepse i heq atë 400 lekëshin për një rrugë, po 800 lekë vajtje-ardhje, po në muaj i kursen mesatarisht, një familje që e përdor, të paktën 50 mijë lekë të vjetra në muaj”.
Përveç buxhetit personal, ulja e trafikut dhe ndotja e ajrit janë të tjera përfitime sipas Këllicit.
“Nga ana tjetër, ul trafikun, ul ndotjen e ajrit. jemi një nga 10 kryeqytetet më të ndotura të Europës. Nuk e heqim dot fare, por e minimizojmë çështjen e parkimit.”-theksoi kandidati i koalicionit “Bashkë fitojmë”.
