Roland Bejko, kandidati për bashkinë e Tiranës i Partisë Demokratike të drejtuar Alibeajt u ka bërë thirrje qytetarëve që ta mbështesin me votë në zgjedhjet e 14 majit.
Teksa akuzon Berishën si përçarës të PD, Bejko thotë se ai vet nuk ka asnjë interes personal dhe se nëse merr drejtimin e bashkisë së kryeqytetit do të punojë vetëm për interesat e qytetarëve.
“Në kushtet që gjendet PD-ja sot dhe për faj të tij, do të mbahet mend në histori si njeriu që tradhtoi demokratët. Ilir Meta doli nga Presidenca pa parti dhe Berisha po e bën me parti sepse do t’i japë votat e Këshillit të Bashkisë, kështu i ka bërë thirrje militantëve të vet dhe në fund fare, Ilir Meta do të marrë këto vota, do të kapitalizojë politikisht partinë. Unë jam thjesht përfaqësuesi i Partisë Demokratike dhe mbrapa shpinës time që më mbështesin kam vetëm demokratët. Nuk kam grupe interesi, nuk kam non grata dhe nuk klane të cilat me fitoren time të ndajnë Tiranë në llokma në interesa personale.”
Në intervistën për Klan News, Bejko foli dhe për premtimet e kundërshtarëve të tij për garën në Tiranë.
“Ne nuk merremi me premtime futurise të cilat bëhen për efekte elektorale. Belindi është në krizë besimi sepse përfaqëson Berishën.”
Partia Demorkatike e drejtuar nga Enkelejd Alibeaj, fushatën do ta hapë më 18 Prill tek salla e sporteve “Farie Hoti” në Rrugën e Kavajës.
